Tu òc qu'ès sexi

Es Sindiquetes tanben en TV3

Comencen...LAS REBAJAS!!!

Acabades es hèstes de Nadau que comence era ja odiada e dificila Còsta de Gèr, ua còsta que tà uni serà molt arriventa e que tà uni auti serà més planèra. Entà passà-la mielhor, que ja son arribades es Rebaishes!
Er inici des Rebaishes tostemp van marcades per anunci des grani magazems DETH TALH INGLÉS. Ues rebaishes qu'enguan son enquia un 60%, INCREDIBLE.
Es espòts d'aguesti magasems tostemp les presenten personatges famosi qu'estàn de mòda o que en aqueth moment an ua gran popularitat Des des personatges de "Cámera Café" o de "pasión de Gabilanes" passant pera modeu Martina Klein e ara era presentadora de television Patricia Conde.
Reaument se vòs saber s'es un personatge famós o as èxit, as de her er anunci des Rebaishes deth Talh Inglés.
Paco, te volem veir hent er anunci deth Talh inglés dera campanha d'estiu, didem ena d'estiu pr'amor que seguraments serà més leugèr de ròba que non pas ena d'iuern, on normaument s'anuncien tricòts e bufandes, milhor anunciar banhadors e camises curtes.

VISCA ERA CLASSA OBRÈRA!

Paco Boya, eth nòste Síndic d'Aran tot, absolutament tot, li quede ben.
En reportatge que s'emetec en programa "Parlament" de TV3 eth dia 11 d'octobre passat sus eth tema dera naua division administratiua de Catalunya en forma de Vegueries: I a un moment on eth magnífic Síndic d'Aran ges damb un casc d'obrèr de color auriò, visitant es òbres que se realisen ena glèisa de Santa Maria d'Arties.
Mos a despertat molta coriositat e gòi veir a un politic damb casc d'obrèr, e a més, s'aqueth polític ei eth nòste desirat Paco Boya.
En enquèstes passades se constatèc qu'a Paco tot li quede ben (camises quarrades, de linhes verticaus o oritzontaus, eca) e auien arrason es nòsti enquestats; tot, absolutament tot, li quede ben.
Ara camparam era òbra de Santa Maria d'Arties e tanben era òbra de Paco d'ua auta forma, ei incredible coma un sencilh accesòri, coma pòt èster un casc auriò d'òbra, pòt dar tant e pòt deishar córrer era imaginacion des nòstes fantasies.

Felicitats peth sentit der umor.

Prumèr de tot felicitam as nòsti companhs blòggers dera Reserva peth sòn sentit der umor qu'a e que se desprén en sòn darrèr pòst. De vertat, FELICITATS!
Mos alegram d'aguesti naui aires de sentit der umor ena politica aranesa.
Aquerò vò díder que mos liegen e per tant mos campen e en definitiva vò díder que èm importantes...
Da igual se se'n parle ben o mau de nosates, çò més important ei que se'n parle.
Eth montatge qu'auetz het, sinceraments ei molt bon, molt ben het e damb sentit der umor, de vertat e ac repetim, mos a het fòrça gràcia. Ath delà, Paco ges guapíssim en panneu dera naua pellicula.

Demoram que daurisquen eth cine de Vielha entara preestrea dera pellicula, damb alfombra vermelha e glamour, plen de camares de television, flashi des camares fotografiques des periodistes de toti es mieis de comunicacion: HOLA! Lecturas, Diez minutos e tanben era revista Cuore. Connexions en dirècte damb es televisions, programes coma La Noria, ¿Donde estás corazón? e tanben Estrenos de Cartelera.
Síndiquetes cridan coma lhòques tà que mos firmen un autògraf, convidats de luxe tàra estrea e sustot qu'eth nòste protagonista lo pogam vèir e tocar...Èm desirant qu'arribe eth dia!

Damb aguesta imatge hem ua naua pregunta ara nòsta audiéncia, aguesta ei se vos agradarie èster Verónica Forqué ena naua pellicula que s'a estreat, "Por qué lo llaman INFORMACIÓN cuando quieren decir MÁRKETING?"
Vos agradarie èster er interrogant deth pannèu dera naua pellicula? Èster en es braci deth nòste Síndic Paco Boya?
...On cau firmar?

Un nau monument... ja son dus monuments.

Eth passat 10 d'octobre s'inaugurèc eth Monument ara Cultura Aranesa, ena inauguracion i aueren diuersi parlaments e eth més demorat e desirat pes nòstes "Sindiquetes", ère eth deth nòste estimat e admirat Paco Boya.
Aguest monument tan ben hèt, naut, ludent damb aquera tonalitat de color gris, aquera sensacion que da de serenitat e elegància, damb aquera bona preséncia senhoriau dan uni naui aires ara Sedença deth Conselh Generau d'Aran, aguest monument da ua naua sensacion de modernitat ara institucion, ar entorn dera madeisha e tanben ar interior. Estam parlant, evidentament, deth nòste monument Paco Boya.
Aguesti aires de bon gust e elegància se desprenen per totes es parts deth passeig dera Libertat numerò 16 de Vielha.

Eth sòn despatx damb aqueth color des parets color blanc trincat, sinònim de transparéncia e eth mobiliari de linha recta, dan era sensacion de firmesa e rigor ena gestion, dan aqueri naui aires que se mereishie era nòsta maxima institucion aranesa, deishant darrèr aquera imatge de producte caducat e passat de mòda.
Ara, ena Sedença deth Conselh Generau d'Aran hi ha dus monuments, un de peira e un aute de carn e uassi, ei evident que nosates mos quedam damb eth de carn e uassi.

Coma ditz era incripcion dera Hònt deth Gresilhon, " E damb Paco Boya,eth Conselh encara ei molt milhor"

Se pòt èster més guapo?

Sense comentaris...increible!

VAM DE HÈSTA?

Finalisada era enquesta der estiu sajam de hèr un parallelisme entre es resultats dera pregunta e çò que podariem veir entàs hèstes de Vielha.

Dia 8 de seteme de 2008, ei eth dia dera Mare de Diu de Mijaran. Era sala polivalenta de Vielha ei plia a reventar de gent dançant ath son dera musica des orquestes “Musicalia” e “Girasol”.
Era sala de balh damb es “palcos” e dues barres de bar, ua ena dreta e er auta ena part centre-quèrra dera sala polivalenta de Vielha.

I a dus grups majoritaris de dançaires ena pista de balh, uni es deth grup dera barra dera dreta, capitanejat per Eduardo Valdecantos e flaquejat pera rèsta de companhs.

Ena auta barra, era dera part centre-quèrra, eth grup de gent capitanejat, tanben, peth Magnífic Síndic d’Aran, Paco Boya e flaquejat, tanben, pera rèsta de conselhèrs e politics deth sòn madeish grup, es dera barra dera part centre-quèrra.

Eth consum de begudes en ambdues barres ei diferent, ena barra centre-quèrra es consomicions son majors qu’es dera barra dera dreta. Eth motiu? Ben clar, i a més gent!

Es dançaires dera barra centre-quèrra aucupen eth 55% dera superfície dera pista de balh, traspassant era linha deth centre que dividís era pista en dus e panant espaci as dera barra dera dreta.

Es dançaires dera barra dera dreta, arrinconadi, aucupen eth 40% dera pista de balh.

Es líders des dus grups, Paco Boya e Eduardo Valdecantos, es dera barra dera centre-quèrra e es dera dreta respectivaments, son líders dera hèsta en es sòns grups,.

En grup dera barra dera part centre-quèrra eth líder ei eth madeish de hèsta qu’oficiaument de dia, ei clar qu’eth nòste desirat e admirat Paco Boya ei eth líder deth grup, eth líder dera majoria. Se nòte qu’a un club de fans, non toti es líders pòden díder que l’an...

Tot açò controlat damb era atenta guardada des deth “palco” deth hons deth balh peth Magnífic Conselhèr Juan Antonio Bruna e per alcalde de Vielha e Mijaran, Pepito Calvetó. Toti mos preguntam se damb quin grup de dançaires acabarien en tot ahiger-se ath long dera net? Lèu non cau ne preguntar.

Bona hèsta de Vielha!

Paco, es tues Sindiquetes ÒC QUE VAM DE HÈSTA! Sonque damb tu.

BARRAT PER VACANCES

Estream eth mes d'Agost e ja lèu podem díder qu'es vacances j'an començat.

Er exòde des nòsti pòbles entàs plages ei evident, eth solei e eth sable anaràn amassa era màger part d'aguesti dies, eth divertir-se e descansar tanben e sustot desbrembar es problemes que mos seguíssen lèu tot er an.
Ei temps tà arrir, temps tà parlar, temps tà èster amassa damb era parelha moltes ores... Açò darrèr dilheu non ei massa bon, pr'amor qu'en Seteme, un de cada tres divòrci ac provòque er estiu. Passar 24 ores amassa a 40 grads dejós dera ombra damb era parelha pòt prodosir era aparicion d'aqueri conflictes qu'an estat sillenciadi per estrés iuernau.
Agost ei sinònim de hèsta major. Era màger part des hèstes majors se celebren en aguest periòde e damb tot açò vos plantejam ua enquesta relacionant hèsta major e politica.
Era question que plantejam ei se damb quin personatge deth panorama politic aranés mos anariem de hèsta major aguest estiu?
Damb quin politic mos agradarie anar tara hèsta de Vilac, Mont, Bossòst, Gausac, Vilamòs o dilhèu tanben tàra de Bausen? Podetz escuélher era que volgatz.
E tà qué? Donques tà dançar damb eth o era, parlar, arrir o simplement préner quauquarren, sencilhaments un Cubalibre...

Vos desiram a toti que passetz un bon estiu, ues bones vacances qui les hèsque...e que descansetz fòrça, seguraments vos ac mereishetz.
E sustot a tu Paco, que descanses fòrça aguestes vacances, que prenes fòrça eth solei, susvelhà-te d'eth solei, met-te crema, non te cremes. En seteme te volem ben morenet e ben guapo .

E a toti vosati mos vedem en Seteme, damb més umor politic, damb més ironia e bon ròlho qu'en manque fòrça.

ENQUIA SETEME!

Eth guanhador ei….PACO BOYA!

Un viatge barrada era enquesta sus quin politic ei més guapo, es resultats an estat ben clars:

• Paco Boya, damb eth 50% des vòts, artenh eth títol MISTER POLITIC 2008!
• Juan José Güemes, Conselhèr de sanitat dera Comunitat de Madrid quede proclamat coma finalista dera enquesta.
• Per un estret marge, Albert Rivera, deputat en Parlament de Catalonha, quede ena tresaua posición deth rànquing.

Quede ben clar qu’eth nòste Síndic d’Aran supère en beresa a polítics que son enquia “ironisadi” sus era sua suposada guapora en quauqu’un programa de sàtira politica dera televisión: Artur…GUApU! Que per cert, non a arrecebut cap vòt.

Paco, as un an de reinatge deth títol MISTER POLITIC 2008, non te podem regalar un viatge as Maldives, ne auem corona tà tu, ne ua banda damb eth títol de MISTER POLITIC 2008, ne uni tristi confetis tà lançà-te peth dessús tà celebrar qu’as guanhat, mès as ua causa qu’es auti politics non an:

AS, AS TUES SINDIQUETES!

Es canes dan prestigi

Es tendéncies ena mòda entà òmes obliguen a desenvolupar un estil personau en çò que tanh as talhs de peu, color e pientat; encara que es canvis non an d’èster tan freqüents o drastics coma eth cas des hemnes. Mès segontes eth clima o productes qu’utilisam, eth pèu pòt lúder ben un dia lis e sense còs ath següent dia. Mès non tostemp a d’èster atau.

Damb un bon talh e uni conselhs, non pas generaus, era imatge e era autoestima pòt milhorar.

Se as molt de pèu o sonque un shinhau, i a varies opcions entà que pogues aconseguir un bon pientat.

• Er òme a de besonh dar forma ath sòn pèu més soent qu’ua hèmna, a pruprètz cada quate setmanes.
• Non s’a d’agarrar a un estil passat de mòda. Pregunta ar estilista quini pientats son de mòda e quin ei er adequat ath tòn estil de vida.
• Se estàs prèst entà un canvi radicau, saja d’anar a ua naua estetica e milhor s’ei ua de més prestigi. Ua naua perspectiua pòt oferir ua naua imatge positiua.
• Se eth tòn pèu a començat a quèir e se hè més escàs, non lutes contra eth. Agarra-te a utilisar eth pèu curt o considera afeitar-te eth cap, qu’ei un look molt acceptat actuaument.
• Se eth tòn pèu s’esponge en estiu, utilisa un shinhau d’espuma, gel o un producte que siguen disenhadi entà acabar damb eth pèu esponjat.
• Entà que eth tòn pèu brilhe e age ua imatge sana, cueda era tua dieta e saja d’inclodir verdures e frutes.

Eth pientat deth nòste admirat Paco Boya a patit canvis ath long deth temps:

A dishat aqueth pientat damb es peus de punta
que non l’afavorien bric e dauen ua imatge
“demodé”.

Mes tard utiliséc un estil de peu més long e més manejable, se pòt comprobar ena fotografia dera web deth Parlament de Catalonha a on se li ve un pientat de bon mainatge, de non auer tricat jamés un plat, d’èster un troç de pan, de bonàs.

Ena actualitat eth pientat que lutz ei fòrça actualisat, ei curt, retalhadet, damb ua forma igual ath torn deth sòn cap, un pientat que l’afavorís molt ara forma dera sua cara e expresión dera madeisha.

Auem comprobat qu’era vida politica passe factura, er estrés, era presion en trebalh, actes institocionaus, eth cansament, eth non parar…pr’amor qu’a aumentat eth numerò de canes en sòn peu, non sabem s’ei peth pas deth temps o pera presion en trebalh mès em segures que es canes li afavorissen molt, li da ua imatge de més serietat, notorietat e elegància, èm d’acòrd que ues canes ben portades non envielhissen ara persona, tot eth contrari, ei aquera imatge de maduret interessant que non deishe a quinsevolh igual e que ben segur; moltes s’estimen més ues canes que un cap sense peu...

Un conselh Paco: Ne se te passe jamés peth cap, tenhí-te eth peu. Ne se t’ocorrisque agarrar “jamás de los jamares” un pòt de PHARMATINT, per molt que l’age publicitat en sòn temps Carmen Sevilla e deishà-lo ena estatgera deth supermercat . Passa de long ena seccion de productes entath peu e sonque agarra champoos o d’auti productes entà cuedar era salut deth tòn peu.

Paco Boya, eth Suárez deth ‘79

Finalisada era enquesta sus eth motiu deth vòt en es eleccions tath Conselh Generau d’Aran deth 2007 se constate qu’era imatge, era elegància, eth saber hèr e er atractiu deth nòste Síndic siguec clau entara victòria de Paco Boya tàs eleccions deth Conselh Generau d’Aran.

Es resultats dera enquesta son:

• Eth 53% des enquestats voteren Unitat d’Aran tàs eleccions ath Conselh Generau d’Aran pr’amor que Paco Boya ei guapo.
• Un 24% voteren UA, mès eth motiu deth vòt ere disparièr ar atractiu de Paco.
• Eth 18% non votèc Unitat d’Aran.
• E un 3% s’abstenguec, non votèc en es darrères eleccions ath Conselh Generau d’Aran.

Cau remercar er elevat porcentatge des que voteren Unitat d’Aran pr’amor que Paco Boya ei guapo.

Se trasladam es resultats dera enquesta as eleccions celebrades er an 2007 auem:

• Eth totau de gent que votéc UA ena enquesta ei 45.
• 31 vòts òc que voteren UA pr’amor que Paco Boya ei guapo.
• 14 persones voteren UA per d’auti motius.
• Un 69% Òc e un 31% per d’auti motius

Donques alavetz Unitat d’Aran obtierie 1516 vòts gràcies a que trapen a Paco Boya guapo sus un totau de 2198 vòts qu’artenhec UA en totau dera Val d’Aran en es eleccions ath Conselh Generau d'Aran en mai de 2007.

Podem èster dauant un nau Suárez der an 1979, on moltes hemnes voteren UCD pr’amor que trapauen guapo a Adolfo Suárez .

18 de juny, HÈSTA DETH CLUB DE FANS PACO BOYA

Aué 18 de junh celebram un an dera procalamacion de Paco Boya coma Síndic d’Aran dera 5au legislatura des dera reinstauración deth Conselh Generau d’Aran er an 1991.

Segurament un des dies més erosi dera vida de Paco Boya, coma reflectís en sòn blòg d’aqueth dia:

“Dilluns va realitzar-se l’acte d’investidura on vaig ser nomenat nou síndic d’Aran. No cal explicar l’emoció que suposa per algú que ha dedicat molts anys de la seva vida a la política, ser el president del seu país. Va ser un acte sobri però ple d’emocions contingudes”.

Aqueth deluns, se produsís eth dia més erós dera vida politica deth nòste admirat e desirat Paco Boya, tà nosati vede-lo erós ei ester erosi nosati.

Felicitats Paco per un an deth tòn cargue e demoram que sigue tà molti ans e tranquil, sigues Síndic o non, te traparam igual d’actractiu.

Daurim naua enquesta en blòg, aguest viatge preguntam se quin personatge deth panorama politic trapes més guapo. Sabem qu’en mon dera politica, er atractiu des nòsti politics brilhe pera sua abséncia més non pas toti.

Es politics nominadi son:

• Paco Boya: Síndic d’Aran e deputat en Parlament de Catalonha.
• Albert Rivera: President de Ciutadans- Partido de la ciudadania
• Joan Ridao: Deputat en Congrés per ERC
• Joan Puigcercós: President d’ERC
• Artur Mas: President de CIU.
• Adolfo Suárez Illana: Hilh der expresident deth govèrn Adolfo Suárez e candidat en 2003 tàs eleccions autonomiques de Castilla-La Mancha peth PP.
• Juan Fernando López Aguilar: Exministre de Justicia e actuau cap dera oposición en Parlament de Canaries deth grup Socialista.
• Pedro Sánchez: Còsso en ajuntament de Madrid deth grup Socialista.
• Nicolás Sarkozy: President dera Republica de França.
• Eduardo Zaplana: Deputat en Congrés peth grup Popular.
• Raül Romeva: Eurodeputat d’ ICV
• Juan José Güemes: Conselhèr de Sanitat dera Comunitat de Madrid.

Demoram qu’era eleccion deth candidat sigue peth sòn atractiu e non deishar-se influïr peth color politic que represente cad’un.

Bona hèsta d'Aran entà toti!

Des deth Club de fans Paco Boya vos desiram que passetz un bon dia dera Hèsta d'Aran.

Enveja

Eth silènci der envejós ei plen de tapatges e era enveja ei tan magra e jauna pr'amor que mossegue e non minge.

Un mes de vida e dejà èm notícia

La Marçalada. Publicat en diari La Mañana eth dia 14 de junh de 2008

"Eth Síndic d'Aran a un club de fans virtuau"

Aué complim un mes des dera creacion deth club de fans Paco Boya e ja èm notícia ena prensa, en diari “La Mañana”

El Síndic d’Aran, Paco Boya, ya tiene su propio club de fans en internet

El actual Síndic d’Aran, Francesc Boya, ya cuenta con su propio club de fans en internet creado por una serie de admiradoras del político aranés que se hacen llamar es Sindiquetes.

El blog fue creado en mayo de este mismo año por una serie de amigas, que prefieren manetenrse en el anonimato, con el objetivo de dar un toque de humor a la política de la Val d’Aran a raíz de “la crispación que hay actualmente” en el panorama político aranés.
El blog del club de fans evita polemizar sobre política y se centra en alabar el aspecto físico del Síndic d’Aran y, sobre todo su forma de vestir. “Nuestra iniciativa no sigue las directrices de ningún partido político, sino que somos gente normal, de la calle” aseguran es Sindiquetes y añaden que “hay mucha gente que piensa que es muy atractivo, que es agraciado fisicamente, sencillo, sensible y guapote”.
Esta símpatica iniciativa, que convierte al político de Unitat d’Aran en todo un sexsímbol de la sociedad aranesa, nació “sin la intención de ofender a nadie y menos aún al Síndic”, afirman sus impulsores.
Las personas que quieran acceder al club de fans on line de Paco Boya pueden encontrarlo en la dirección http://www.clubdefanspacoboya.blogspot.com/ y podrán observar que la mayoría de artículos que se publican hacen referencia al atractivo de Boya a su forma de vestir u otros temas por el estilo, dejando al margen de su contenido cualquier tipo de discurso político, ni a favor ni encontra del Síndic. Eso sí el blog está escrito íntegramete en la lengua aranesa.
Dentro de su contenido, es Síndiquetes también hacen encuestas sobre Boya. En la última, por ejemplo, preguntan si en las últimas lecciones al Conselh Generau d’Aran en 2007 la gente votó a Francesc Boya porque es guapo? “De momento gana el sí- el òc en aranés-.
Por su parte, el político aranés de Unitat d’Aran declinó hacer decalraciones a LA MAÑANA sobre el club de fans on line que se ha constituido en su honor. Aunque según las impulsoras de la iniciativa aseguran que cuando se pusieron en contacto vía e-mail con el Síndic, éste alabó su sentido del humor de las creadoras y aseguró que lo leería.

Més de 1800 visites, més de 140 vòts emesi, més umor politic e mes…

Gràcies a toti es qu’an het possible aguest blòg.

As que mos liegen, as que mos vòten, as que mos feliciten e as que mos critiquen, as qu’an sentit der umor e as que non n’an, as que non vòlen que sigam sincèrs e as que mos díden qu’èm originaus, as que mos estimen e as que mos òdien, as Sindiquetes e sustot, a tu Paco. Seguís tal coma es e òc, ac repetim: “porque es muy guapote”

A toti eri:

MIL MILIONS DE

GRÀCIES!!

Cassís. What else?

Segontes un estudi realisat recentament, eth 60% des espanhòls li resulte més atractiua era publicitat ena qu’apareishen personatges famosi. Es qu’an més “tirón” entath public, e alavetz es que sòlen èster elegidi entà anunciar productes, son es codinèrs(5’84 punts sus dètz), esportistes (5’56) e modèls (5’32).

Damb aguesti resultats deth baròmetre se pòt adequar damb major precision eth personatge escuelhut entà publicitar un producte o servici en foncion dera sua popularitat, e deth grad d’acceptacion per part deth sector de consomidors ath que va dirigit eth nau reclam publicitari.

D’aguest estudi se desprén qu’era utilisación dera imatge de personatges famosi e coneguts ei un bon reclam entà publicitar un producte concret.

En estudi non ges en cap lòc eth personatge de politic, ne en es prumèrs ne tanpòc en es darrèrs lòcs deth rànquing de personatges mes desiradi entà her publicitat.

Agarrant-nos a d’aguest estudi, eth nòste Síndic e admirat Paco Boya podarie èster un bon candidat entà her ua campanha publicitària de productes, en aguest cas, aranesi, coma eth Cassís o era famosa, ja per era madeisha, Òlha aranesa.

Coma qu’era categoria de politic no ven, ena vision publicitària, e auem era sòrt d’auer un Síndic molt polivalent. Lèu lèu pòt èster capaç de vener o publicitar quinsevolh producte.

Ena categoria de codinèr servís, sabem que codine molt ben, ena categoria d’esportista tanben, sabem qu’hè molt d’exercici coma hèr bicicleta o caminar e ena categoria de modèl per suposat que servís, e tant que servís!!!!!

Se gessesse Paco publicitant eth Cassís d’Aran, segurament era venta d’aguest producte aumentarie ath torn d’un 35%, era òlha aranesa un 15%, eth paté de campanha un 23% e en cas que Paco protagonisesse un anunci deth Palai de gèu, es inscripcions tath Palai aurien un aument de lèu lèu un 76%, o es ventes d’ua botiga de ròba pujarien un 17%, dan coma valor ahijut era elegància que desprén Paco Boya.

Ei ben evident que Paco Boya ei un fòra de serie, tà lèu t’escriu un libe, coma que te cante e tòque era acordeon, coma que te hè de Síndic.

Demoram des deth club de fans Paco Boya que ben lèu es publicistes “fichen” a Paco entà ua pròplèu campanha publicitària.

Nosati, aumens, comprariem eth producte, encara que siguesse un sencilh sac de truhes...

"Es Sindiquetes" jamés t'ac hariem Paco...

Er escàndol a sautat!

A raitz d'ua investigación sus un assessinat s'a descubert qu'era estimada e admirada Ana García Obregón auie sajat d'amenassar e encargar que dèssen ua bona esbatussada ath presentador de television Jaime Cantizano que condusís eth Programa "Donde estás Corazón" amassa damb uni auti collaboradors coma es "Venes de Patiño" o era "Bollo de Chelo".

Eth motiu dera amenassa e er intent de esbatossà-lo ere pr'amor qu'eth presentador auie recebut intents, per part d'Anita Obregón, d'insinuacions entà qu'aguest auesse ua relacion, non sabem se més enlà d'ua net, amorosa e dilhèu sexuau damb Ana Obregón.

Jaime Cantizano non aceptèc es proposicions (e non pas proposicions non de lei) pr'amor que Jaime nòste non li agrade Ana. Ne Ana, ne Chelo, ne Maria Patiño, n'era vesia, ne tampòc Patricia Conde. Ei a díder, era opcion sexuau de Jaime non coincidie damb era de Anita Obregón, ben, ua causa òc, qu'as dus lis agraden es òmes.

Anita tota despechada (e pòste que manque eth posado de la Obregón en Malhòrca) encarguèc ath sòn sauaesquies (Sai cap coma se ditz en aranés "guardaespaldas") que dèsse ua esbatusada ath presentador, pr'amor qu'aguest, estaue hent un programa a on jogaue damb es imatges der hilh d'Anita Obregón ensenhant eth cuu as reportèrs de prensa e television. Mès ei clar, qu'er objectiu dera esbatussada non ère pes imatges der hilh se non pes "coges" que l'auie dat Jaime Cantizano a Ana García Obregón.

Aciu se pòt constatar coma ues "coges" pòden dar molta ràbia e mala sang quan admires e desires a ua persona que te shaute molt.
Comprenem era ràbia d'Anita e dilhèu, a nosati, tanben mos passarie auer ua reaccion molt dolenta quan non pòs auer a d'aquera persona que desires damb totes es fòrces deth mon, e ei ua persona non corresponuda, pr'amor que pòt èster que sigue enamorada d'ua auta persona o sigue maridada, eth dusau motiu non ei problema, aumens tà nosati jejeje

Sabem coma des deth club de fans paco Boya desiram ath nòste Síndic, mès Paco, pòs èster tranquil.

Nosates, "es Sindiquetes", jamés t'ac ariem....

Òc, tot li quede ben.

Un còp barrada era enquesta sus era forma de vestir deth nòste Síndic e admirat Paco Boya, es resultats son aclaparadors:

• Un 33% des vòts dan coma respòsta que "Òc" lis agrade coma vestís Paco.
• Eth 39% des enquestats opinen que "tot li quede ben"
• Un 12% ditz que "non"
• Eth 16% questione era forma de vestir de Paco Boya, dident que "podarie milhorar"

Cau remercar qu'es donades que vos oferim ei sus eth totau deth numerò de vòts emesi (131) e non pas sus eth nombre de persones qu'an votat (104), pr'amor qu'existie era opcion de poder votar més d'ua respòsta, er objectiu d'aguesta opcion ere tà poder matisar, eth qui volesse, era sua respòsta. Per exemple eth qui diguésse "òc" podie tanben díder que "podarie milhorar", tostemp damb era finalitat d'ajustà-se ara opinion, que damb tota libertat, an respòs ara nòsta pregunta.

Quede ben clar que Paco lhèue passions més enlà dera politica e era musica. Ei ben cert qu'eth Síndic actuau ei aumens un des més guapos e desirats des dera Querimònia enquia era actualitat. Non auem constància grafica des antics Síndics des der an 1313 enquia era reinstauracion deth Conselh Generau d'Aran er an 1991, mès èm segurs, que jamés era Val d'Aran a auut un ÒME, e ac remercam, tan atractiu, elegant e sensible ath capdauant dera maxima institocion aranesa.

Es resultats dera enquèsta se pòt remercar que eth 72% des respòstes son favorables ath nòste admirat, somant er "Òc" e eth "Tot li quede ben", 33% e 39% respectivament.
Dilhèu es enquestats s'an deishat portar pes passions que lhèue Paco e totun trapen ben tot çò que se mete entà vestir: camises quarrades, crabata o un simple vestit regionau. Per tan, des deth club de fans Paco boya, en concurs "Mister Aran" guanharie en es tres categories: Vestit de net, spòrt e damb vestit regionau.

Mès èm segurs que eth moment més demorat e desirat de tota era gala serie eth desfile en banhador....

Aué he un an...

Eth 27 de mai de 2007, tàs 20:00 ores se barrauen es collègis electoraus dera Val d’Aran. Entà d’aquera ora des des partits politics i auie un cert nervisosisme, estrés, pòurs e dilhèu tanben esperances.

Uni no sabien se a londeman sabarien a on trebalhar, uni auti tampòc sabien se podarien trebalhar tàs aranesi.

Nosati vam a hèr un petit analisi d’aqueri resultats que deren coma guanhador ath nòste admirat Paco Boya, un analisi disparion as tertulies politiques que èm acostumadi a vèir en programes de television e sénter en tertúlies de radio.

En conjunt dera val d’Aran, es candidatures d’UA sigueren es més votades en lèu toti es terçons, mens en es terçons de Pujòlo e Lairissa, a on UA siguéc era dusaua fòrça e en terçon d’Arties e Garòs, on UA non presentaue candidatura en nomentat terçon.

Es resultats globaus de tota era Val d’Aran dèren coma guanhador ath nòste admirat e desirat Paco Boya.

Ena següent taula se mòstren es resultats oficiaus (clika-i ath dessús tà vede-la):

Eth resultat elecorau en çò que tanh as terçons se reflectís ua tendéncia d’empat entre ambdues candidatures.

Cau remercar qu’aguesta tendéncia se trinque en terçon de Quate lòcs, a on era diferéncia entre es dues fòrces politiques principaus ei d’un 23’67% des vòts a favor deth nòste Síndic Paco Boya.

Casuaument ei eth terçon on Paco Boya anaue prumèr ena candidatura d’UA en aguest terçon deth Baish Aran.

Casualitat o non??? Aguesta ei era nòsta question que nos plantejam.

Eth sistèma actuau electorau dividís era Val d’Aran en circunscripcions que coincidissen damb es antics terçons.
En non èster era Val d’Aran circonscripcion unica, eth candidat tà èster Síndic sonque se presente en terçon a on viu normaument. Donques alavetz, en es auti terçons se presentaue un aute candidat tà cada lista, tà dempús votar ena investidura ath sòn candidat coma Síndic, ei a díder, ua eleccion “indirecta” tà que Paco Boya siguesse eth futur Síndic.

Podem díder alavetz qu'eth resultat aplastant en Quate Lòcs siguéc principaument pr’amor que Paco Boya ère cap de lista.

Recercant un shinhau en es resultats electoraus deth terçon de Quate Lòcs, se ve qu’era candidatura de Paco Boya ei era guanhadora en es pòbles de Bossòst, Canejan e Les, mens en Bausen.

E per que non guanhe en Bausen?? Aguesta ei era question.

Segontes er Insitut Nacionau d’Estadística (INE) en pòble de Bausen i a 38 òmes e 23 hemnes . Ei eth pòble deth Terçon de Quate lòcs on era poblacion femenina ei més baisha, un 37% vers ath 62% d’òmes e eth resultat siguec eth 34% des vòts tà UA e eth 50% tà CDA.

Des deth club de fans Paco Boya tostemp auem dit qu'eth vòt femenin siguéc clau entara victòria de
Paco Boya. Alavetz en Bausen non guanhèc pr’amor qu'es hemnes son condades en aguest petit pòble deth Baish Aran.

Alavetz, quede ben clar qu'era imatge, més enlà des propòstes politiques, ei plan importanta entà era victòria d'un candidat.

"PACO, VAS SOBRAO!!!!" de tot...d'idèes e de guapo

Tà nosati aquera camisa blua sobraue, se podarie auer escuelhut ua auta camisa, d'un aute color...

Daurim ua naua enquesta sus eth motiu deth vòt en es eleccions tath Conselh Generau d'Aran deth 2007.

E lèu! VÒTA!!

Campanha: Penja-lo, penja-le!!!!!

Demanam a toti es fans que hèsquen ua "enganchada" generau des nòsti pannèus que auem creat. Les podetz imprimir e penja-les on volgatz: ena oficina, ena panaderia, en eth "Súper", ena caseta d'informacion de torisme, en espitau, ena biblio, ena glèisa, en es cabines de telefon, en es parets... On volgatz!!!
Lo important ei dar a conéisher era existéncia deth nòste Club de fans Paco Boya. Entà que lo descorbissen més persones e se poguen íger ara nòsta aventura, nomentada Paco Boya!

Fòrça gràcies a toti/totes.

Se voletz auem eth pannèu en format PDF, envia-mos un e-mail e te lo enviaram encantades!